Puglia mia, no chiangiri.
Sta pierdi li fili tua, ma lu cori loru sempri ddo tei, lu sai, ava rrumaniri,
Ca lu soli tua nisciun’atru lu canosci,
Lu mari tua nisciun’atru lu capesci.
Puglia mia, no chiangiri: tu no ni tieni colpi.
A cci dici ca si bona sulu pi l’aulivi
A cci dici ca futuru pi li ggiuvini tua no ni vulivi.
Tanta ni sta partunu, n’atrettanta pi tei sta restunu
Ca na storia nova pi tei si volunu ‘nventunu.
Rrumanimu piccè lu curaggiu qua no basta mai,
Facimulu vederi quantu vali, cussì nisciunu chiui si ni vai.
Pi la terra nostra rrumanimu e pi la terra nostra suffrimu,
Pi la terra nostra sta scommittimu, ca na Puglia nova sta facimu.
Tu ni vuè offri la cultura
E grazzi a quedda ni sta facimu n’armatura,
cussì l’ignoranza
no teni predominanza.
Riti Puglia mia, riti,
Ca no ni tieni chiui fili partiti.
#studioinpugliaperchè no possu sta senza di te’.